مميزات وعيوب سخان الغاز
في البلاد المتقدمه السخان بيكون في البلكونه لاكن عندنا في الحمام مع بخار الماء تبقي كارثه لاكنها ليها حل لان لكل شي عيوب ومميزات لذلك نقلنا لكم بعض التجارب
حوادث الاختناق بسخانات الغاز انتشرت بشكل مرعب .. الموضوع بيبدأ بخبر فى الجرنان عن عرسان ماتوا يوم الصباحية مختنقين بالغاز في شقتهم .. وبيفضل يتكرر مرة بعد مرة لحد ما بتتعود عليه .. شوية وتسمع عن جار ليك مات مخنوق بالغاز بسبب السخان .. وبعدين تلاقي حد من قرايبك حصله نفس المشكلة .. وخصوصًا فى الشتا .. لما استهلاكنا للمية السخنة بيزيد جدًا وطول اليوم عكس الصيف .. ويفضل السؤال .. ده بيحصل ليه .. وتقدر تمنعه إزاي ..!؟
* احتياطات استخدام سخان الغاز :
- التهوية من أهم أسباب تجنب مشاكل سخان الغاز .. لازم يكون دايمًا فى تهوية فى الحمامات خصوصًا وفي الشقة عامة طالما فيها سخان غاز .
- علامات الخطر فى سخان الغاز كتيرة .. اللىِّ تخليك لازم تفصل الغاز عنه و تتصل بالصيانة فورًا حتى لو كان الوضع ده مستمر بقاله فترة طويلة وإنت مكنتش مهتم .. العلامات دي زي : لهب الإشعال بينطفي فجأة لوحده أثناء التشغيل // ظهور ألوان غير معتادة فى الشعلة زي اللون الأصفر أو البرتقالي بدل الأزرق // تسرب مادة سائلة من فتحة الاشعال // وجود هباب أسود على السخان // زيادة الرطوبة عن المعتاد في الحمامات أثناء استخدام السخان // وجود آثار تدل على حرارة عالية صادرة من السخان على الجدران أو الحوايط .
- حاول تقفل مفتاح الغاز بتاع السخان طالما لا يستخدم .. خصوصًا وقت النوم .. أخطر وقت لحصول حالات التسمم لأن الشخص وهوه نايم مش هيقدر يحس بأي أعراض للاختناق .
- استخدم جهاز " قياس " نسبة غاز أول أكسيد الكربون طالما عندك سخان غاز فى البيت .. الجهاز ممكن ميكونش متوفر بكثرة فى مصر .. لكنه موجود على مواقع التسوق الالكترونية " سعره فى حدود 200 درهم إماراتي على سوق // 15 دولار على أمازون " .
* ليه تسريب الغاز من السخان خطر ..!؟
لأن الغاز الطبيعي المفروض بيتحول مع الاشعال لغاز ثاني أكسيد الكربون .. لكن لو حصلت أي مشكلة فى السخان .. سواء فى الإشعال أو الصمامات أو التوصيلات .. هتخلي نسبة من الغاز تتسرب بدون ما يحصلها إشعال تام .. والنتيجة تكون قاتل صامت اسمه غاز أول أكسيد الكربون .. وهوه ده بطل الجريمة دي .
* إيه مواصفات غاز أول أكسيد الكربون ..!؟
هو غاز عديم اللون والرائحة .. ودي طبعًا مصيبة فى حد ذاتها .. لأن تسريب غاز البوتجاز العادي يمكن تجنبه لأن ريحته نفاذة وبنقدر نميزها بسهولة .. عكس غاز أول أكسيد الكربون اللىِّ ملوش ريحه ..!!
* ليه الغاز ده خطر ..!؟
لأنه ببساطة بيدخل الجسم ويحل محل الأكسجين .. يعني بدل ما كريات الدم الحمراء تشيل الاكسجين عشان توصله لكل خلايا وأعضاء الجسم .. بيروح " أول أكسيد الكربون " واخد مكان ذرات الأكسجين دي .. والنتيجة إن الجسم بيدخل فى حالة اختناق حتى وهوه وسط الهواء .. لأن ذرات الأكسجين مش قادرة توصل للخلايا بعد ما الغاز أخد مكانها و بيتفسح بدالها فى الجسم كله .. مش بس كده .. الغاز كمان عنده قابلية شديدة للارتباط بالخلايا العضلية للقلب .. يعني برضه بيحل محل الاكسجين وبيسبب فشل فى عضلة القلب .. واللى بيزود من أثار التسمم وبيزيد خطورته .
* إيه أعراض التسمم بغاز أول أكسيد الكربون ..!؟
أعراض التسمم بالغاز بتكون غالبًا مضللة لأنها تشبه أعراض تانية كتيرة خصوصًا على المدى الطويل .. لكن وجود " سخان غاز " فى مكان الحدث لازم يخليك تشك جدًا .. الأعراض دي مختلفة لكن أهمها :
- الصداع // الدوخة (أهم عرضين وأكثرهم انتشارًا)
- الإحساس بالإرهاق والتعب
- خنقة النفس خصوصًا مع المجهود
- ألم فى الصدر وزيادة ضربات القلب
- الاضطراب فى الوعي أو الهلاوس
- الاكتئاب
- الترجيع والاسهال
- اضطرابات فى النظر
- فقدان الوعي
* إزاي تتعامل مع مريض اتعرض للاختناق بالغاز فى مكان الحادث ..!؟
- لازم فورًا تنقل المريض بره المكان اللى فيه الحادث .. وتحاول توفر أفضل قدر من التهوية
- لازم فورًا تنقل المريض للمستشفى لأنه محتاج للأوكسجين أكثر من أي حاجة تانية
* أسلوب علاج المريض فى المستشفى " بشكل مبسط " ..!؟
علاج حالة الاختناق بغاز أول أكسيد الكربون بتعتمد بشكل أساسي على إن المريض ياخد أكسجين بشكل مركز لحد ما نسبة غاز أول أكسيد الكربون فى الدم تقل لنسبة أقل من 10% وهي أعلى نسبة مسموح بيها .. وطبعًا ده بيتم مع متابعة العلامات الحيوية للمريض وأي تغييرات فى القلب والدورة الدموية والأعصاب .. في علاج مهم للحالة ومتوفر فى بعض المستشفيات الكبيرة وهي " غرف الأكسجين المضغوط " .. ودي عبارة على أنابيب كبيرة بينام جواها المريض وبيتم ضخ غاز الأكسجين تحت ضغط كبير عشان يضمن سرعة استبدال كل جزيئات غاز أول أكسيد الكربون من الدم وبسرعة كافية لحماية المريض من مضاعفات حالات التسمم بالغاز " واللى سببها طبعًا نقص الأكسجين اللى بيوصل للأعضاء المهمة خصوصًا المخ والقلب " .
حوادث الاختناق بسخانات الغاز انتشرت بشكل مرعب .. الموضوع بيبدأ بخبر فى الجرنان عن عرسان ماتوا يوم الصباحية مختنقين بالغاز في شقتهم .. وبيفضل يتكرر مرة بعد مرة لحد ما بتتعود عليه .. شوية وتسمع عن جار ليك مات مخنوق بالغاز بسبب السخان .. وبعدين تلاقي حد من قرايبك حصله نفس المشكلة .. وخصوصًا فى الشتا .. لما استهلاكنا للمية السخنة بيزيد جدًا وطول اليوم عكس الصيف .. ويفضل السؤال .. ده بيحصل ليه .. وتقدر تمنعه إزاي ..!؟
* احتياطات استخدام سخان الغاز :
- التهوية من أهم أسباب تجنب مشاكل سخان الغاز .. لازم يكون دايمًا فى تهوية فى الحمامات خصوصًا وفي الشقة عامة طالما فيها سخان غاز .
- علامات الخطر فى سخان الغاز كتيرة .. اللىِّ تخليك لازم تفصل الغاز عنه و تتصل بالصيانة فورًا حتى لو كان الوضع ده مستمر بقاله فترة طويلة وإنت مكنتش مهتم .. العلامات دي زي : لهب الإشعال بينطفي فجأة لوحده أثناء التشغيل // ظهور ألوان غير معتادة فى الشعلة زي اللون الأصفر أو البرتقالي بدل الأزرق // تسرب مادة سائلة من فتحة الاشعال // وجود هباب أسود على السخان // زيادة الرطوبة عن المعتاد في الحمامات أثناء استخدام السخان // وجود آثار تدل على حرارة عالية صادرة من السخان على الجدران أو الحوايط .
- حاول تقفل مفتاح الغاز بتاع السخان طالما لا يستخدم .. خصوصًا وقت النوم .. أخطر وقت لحصول حالات التسمم لأن الشخص وهوه نايم مش هيقدر يحس بأي أعراض للاختناق .
- استخدم جهاز " قياس " نسبة غاز أول أكسيد الكربون طالما عندك سخان غاز فى البيت .. الجهاز ممكن ميكونش متوفر بكثرة فى مصر .. لكنه موجود على مواقع التسوق الالكترونية " سعره فى حدود 200 درهم إماراتي على سوق // 15 دولار على أمازون " .
* ليه تسريب الغاز من السخان خطر ..!؟
لأن الغاز الطبيعي المفروض بيتحول مع الاشعال لغاز ثاني أكسيد الكربون .. لكن لو حصلت أي مشكلة فى السخان .. سواء فى الإشعال أو الصمامات أو التوصيلات .. هتخلي نسبة من الغاز تتسرب بدون ما يحصلها إشعال تام .. والنتيجة تكون قاتل صامت اسمه غاز أول أكسيد الكربون .. وهوه ده بطل الجريمة دي .
* إيه مواصفات غاز أول أكسيد الكربون ..!؟
هو غاز عديم اللون والرائحة .. ودي طبعًا مصيبة فى حد ذاتها .. لأن تسريب غاز البوتجاز العادي يمكن تجنبه لأن ريحته نفاذة وبنقدر نميزها بسهولة .. عكس غاز أول أكسيد الكربون اللىِّ ملوش ريحه ..!!
* ليه الغاز ده خطر ..!؟
لأنه ببساطة بيدخل الجسم ويحل محل الأكسجين .. يعني بدل ما كريات الدم الحمراء تشيل الاكسجين عشان توصله لكل خلايا وأعضاء الجسم .. بيروح " أول أكسيد الكربون " واخد مكان ذرات الأكسجين دي .. والنتيجة إن الجسم بيدخل فى حالة اختناق حتى وهوه وسط الهواء .. لأن ذرات الأكسجين مش قادرة توصل للخلايا بعد ما الغاز أخد مكانها و بيتفسح بدالها فى الجسم كله .. مش بس كده .. الغاز كمان عنده قابلية شديدة للارتباط بالخلايا العضلية للقلب .. يعني برضه بيحل محل الاكسجين وبيسبب فشل فى عضلة القلب .. واللى بيزود من أثار التسمم وبيزيد خطورته .
* إيه أعراض التسمم بغاز أول أكسيد الكربون ..!؟
أعراض التسمم بالغاز بتكون غالبًا مضللة لأنها تشبه أعراض تانية كتيرة خصوصًا على المدى الطويل .. لكن وجود " سخان غاز " فى مكان الحدث لازم يخليك تشك جدًا .. الأعراض دي مختلفة لكن أهمها :
- الصداع // الدوخة (أهم عرضين وأكثرهم انتشارًا)
- الإحساس بالإرهاق والتعب
- خنقة النفس خصوصًا مع المجهود
- ألم فى الصدر وزيادة ضربات القلب
- الاضطراب فى الوعي أو الهلاوس
- الاكتئاب
- الترجيع والاسهال
- اضطرابات فى النظر
- فقدان الوعي
* إزاي تتعامل مع مريض اتعرض للاختناق بالغاز فى مكان الحادث ..!؟
- لازم فورًا تنقل المريض بره المكان اللى فيه الحادث .. وتحاول توفر أفضل قدر من التهوية
- لازم فورًا تنقل المريض للمستشفى لأنه محتاج للأوكسجين أكثر من أي حاجة تانية
* أسلوب علاج المريض فى المستشفى " بشكل مبسط " ..!؟
علاج حالة الاختناق بغاز أول أكسيد الكربون بتعتمد بشكل أساسي على إن المريض ياخد أكسجين بشكل مركز لحد ما نسبة غاز أول أكسيد الكربون فى الدم تقل لنسبة أقل من 10% وهي أعلى نسبة مسموح بيها .. وطبعًا ده بيتم مع متابعة العلامات الحيوية للمريض وأي تغييرات فى القلب والدورة الدموية والأعصاب .. في علاج مهم للحالة ومتوفر فى بعض المستشفيات الكبيرة وهي " غرف الأكسجين المضغوط " .. ودي عبارة على أنابيب كبيرة بينام جواها المريض وبيتم ضخ غاز الأكسجين تحت ضغط كبير عشان يضمن سرعة استبدال كل جزيئات غاز أول أكسيد الكربون من الدم وبسرعة كافية لحماية المريض من مضاعفات حالات التسمم بالغاز " واللى سببها طبعًا نقص الأكسجين اللى بيوصل للأعضاء المهمة خصوصًا المخ والقلب " .
تعليقات
إرسال تعليق